店舖霸道擺賣 食署冇符
「呢度成日都咁多人，再加埋舖頭擺晒啲貨出街，好多時要行出馬路先行得過，我仲試過畀地下啲貨戟親！」北角街坊李先生指出，糖水道與春秧街交界有店舖長期佔用行人路擺賣，造成嚴重阻塞，不滿食物環境衞生署對情況視若無睹。
食環署發言人表示，由去年一月至今共接獲約一百八十多宗有關糖水道與春秧街交界阻街投訴，並提出約一百七十多宗檢控。發言人續稱，店舖阻街涉及多個政府部門執法範圍，該署除作日常執法外，亦會與各相關部門按情況進行聯合行動。
促加強罰則
李先生認為，投訴數字高企反映該處阻街問題嚴重，要求當局研究加強罰則，遏止店舖佔用行人路經營歪風，「檢控極都冇改善，食環署好應該認真諗吓係咩原因，如果唔係個問題永遠都唔會解決到！」