「上東網，知天下」——一種巨大的正能量釋放出來了！「人欲活潑其心，先宜活潑其眼」！
東方報業集團銳意發展、橫空出世嘅全新旗艦網站「on.cc東網」，加上全球免費開放《太陽報電子報》以及《好報電子報》，受到網民一致讚賞，幾日間安裝相關手機Apps已衝破三百萬，觀其凌厲走勢，突破千萬相信指日可待也！
好嘢自然多人欣賞，上東網，一個指頭東敲敲，西撳撳，兩岸三地、國際新聞時事盡掌握，且二十四小時不斷更新，又有獨家猛料、評論，加上圖像聲音視頻，分毫不花盛宴紛至，你話幾咁賞心樂事！講真，目之所見確會影響心情，如果要讓心情變得輕鬆活潑，自然就要有新鮮、活力的事物來愉悅自己的雙眼！
上東網，不但知天下，更能活潑大家雙眼！
老朽呢種傳統嘅讀書人，習慣實物揸手，一把年紀，以前嚮往晚明才子袁中道所說：「然萬竹中雪子敲戛，錚錚有聲，暗窗紅火，任意看數卷書，亦復有少趣。」如今，清早醒來，臥床懶起，按鍵上東網，把兩岸三地要聞瀏覽一次，再上原汁原味，輕輕一按兩邊箭嘴即可前後揭頁嘅《太陽報電子報》、《好報電子報》，連廣告資訊都唔放過，呢種滿足，勝過袁才子嘅「復有少趣」，皆因極盡視聽之餘，臥床馳目，於孤寂的早晨，找到屬於自己樂趣的天地！
老朽今遷居上水村屋，買報紙也要揸車出村，十分不便，如今只要「一陽指」，便可縱橫天下；放假時，手指指去「娛樂、生活」台，甚至「搵樓18」、「分類廣告」、「馬經」，或去「FLASHoN.com」（目及）吓紅唇彩甲、華裝麗服嘅靚女、擠衣欲裂嘅名模……不覺日上三竿，深秋之暖陽照在屁股上，不亦快哉！