好消息！好消息！的而且確係天大嘅好消息！
乜嘢好消息令到功夫茶咁興奮呢？嗱，大家都知道東方報業集團銳意發展多媒體及網上新聞啦，不但推出全新旗艦網站「on.cc東網」，而且全球免費開放《太陽報電子報》以及《好報電子報》，大家知唔知讀者嘅反應有幾熱烈吖？
先講「on.cc東網」啦，呢一個橫空出世嘅旗艦網站受到網民擊節讚賞，安裝相關嘅手機Apps已經衝破三百萬次！
跟住就要講講由東方報業集團全球首創嘅電子報嘞，自從上周四全球免費開放《太陽報電子報》及《好報電子報》以來，點擊率節節上升，兩報平均每日瀏覽頁次高達九十九萬。上周五出版嘅《好報電子報》，瀏覽頁次更加飆升至一百四十三萬！
讀者及網民嘅反應咁踴躍，哄動全球嘅情況咁激烈，你話係咪天大好消息吖？尤其令人鼓舞嘅係電子報嘅吸引力非同凡響，全球免費開放第一日之嘛，瀏覽頁次馬上激增三倍，跟住幾日再急升至開放前嘅五點五倍。按照咁凌厲嘅走勢推測，《太陽報電子報》以及《好報電子報》嘅讀者將會愈來愈多，影響力將會愈來愈大，一啲都冇誇張。
講到電子報大受歡迎，不得不提呢一項創意發明嘅最大好處係原汁原味，網民輕輕一按兩邊箭嘴即可前後揭頁，感覺好似翻閱實體報紙一樣，連廣告資訊都一覽無遺。對於廣大讀者而言當然係獲益良多，對於廣告客戶嚟講同樣係助益不少，方便將產品資訊傳達到全球每一個讀者嘅眼球吖嘛。所以話啫，電子報嘅發明簡直係劃時代嘅創舉！
講到呢度，係時候要提醒各位親愛嘅讀者，全球免費開放電子報嘅震撼優惠只不過係第一波，跟住仲有第二擊，然後再有第三炮，連串回饋行動即將陸陸續續隆重登場，請全球各地讀者同網民密切留意，千祈唔好走寶呀！
各位有冇留意功夫茶三番四次用到「全球」兩個字？冇錯嘞，功夫茶係想提醒大家，東方報業集團銳意發展網絡，主要目的正正係面向全球華人，但凡識睇中文嘅地球村村民都係服務對象。大家試想想，安裝相關嘅手機Apps已經衝破三百萬次，有冇可能所有用家都係香港人吖？其中肯定有唔少用家係身處海外嘅華人。
上東網，知天下，「on.cc東網」嘅宗旨係立足香港服務全球華人，透過龐大編採團隊打造最新、最快又最強嘅新聞資訊，每日二十四小時不停為讀者服務。各位只要登入東網，馬上享受到全方位嘅周到服務，讀到文字，見到圖片，睇到視頻，聽到聲音，簡直係非一般嘅閱讀享受。所以話啫，東方嘅服務承諾係講得出做得到o架！