日日有聚賭 警方睇唔到
家住大埔宏福苑的黃太日前行經停車場時，發現有人在車場外空地聚賭，擔心影響區內治安，亦令學童「有樣學樣」，「呢度隔籬就係學校，啲人咁公開咁賭錢，畀啲小朋友見到都唔知會唔會學壞晒！」
促加強巡邏
警方發言人指一直關注區內非法賭博情況，惟日前在附近進行反罪惡巡邏期間，並未發現有非法賭博情況。發言人續稱，會繼續密切監察和加強巡邏，一旦發現有人非法賭博，會採取適當的執法行動。
「日日都有人喺度賭，警方點解會冇發現？」黃太對警方的回應深表質疑，要求加強派員巡邏，杜絕非法賭博活動。黃太又認為，不少賭博人士為長者，建議當局增撥資源發展長者服務，「等佢哋可以參加吓啲興趣班同活動，點都好過賭錢！」