星媽震驚 轉載消息籲協助尋嬰
【本報訊】失蹤B女掀動全城母親神經，包括一眾星媽，如陳慧琳、楊千嬅、謝安琪及蔡少芬等天后，亦紛紛於微博轉載消息，呼籲全城市民幫忙尋B。有人更慨嘆「只是想想女童媽咪有幾痛心和女童會有何遭遇，心裏已流下淚來……」另有網媽亦表示感同身受，心恍如刀割，擔心至失眠。
楊千嬅：O晒嘴 好驚喎
陳慧琳稱：「BB女依家見唔到媽媽一定好驚，希望警察快啲破案，市民提供消息，齊心合力，搵返B女。」楊千嬅對事件感匪夷所思：「O晒嘴！咁大件事？好驚喎。」她呼籲全港市民幫忙留意，希望盡快尋回B女，又稱：「佢（兒子）依家會行嚟行去，但唔會畀佢離開視線範圍，或者索性抱住佢行。」
謝安琪亦表示驚訝：「希望多啲人幫手一齊搵，一有消息就通知警察，父母要睇緊啲小朋友。香港不嬲都好安全，竟然發生啲咁嘅事，難免令人擔心。」
蔡少芬則直言：「離晒譜！點解會有啲咁嘅人？所有媽媽生得個B出嚟都一定係好錫佢，依家個媽媽一定好心痛，我明白佢。希望B女無事，犯人良心發現畀返個B人啦。我又唔會唔帶兩個女出街嘅，咁只係『斬腳趾避沙蟲』。」
人母陳芷菁、陳倩揚、及即將為人母的陳茵媺亦在微博呼籲全城協助尋B：「雖然綁匪一定會把嬰兒的衣服換了，我們也不容易認出她，但我還是很希望大家發揮互愛精神……」連非人母的其他藝人亦轉載消息。
有網媽則於網上論壇表示：「一夜無眠，個心極唔舒服」。有人更取消原本攜女出席的友人聚會，表示「真的怕一時大意……」大家均無時無刻留意最新消息：「希望快d（啲）有good news（好消息）……bb依家實好驚」。