檔貨擺過界 食署懶執法
「啲貨擺到出門口、擺到遮住晒條引路帶都冇人理，舊年投訴到依家都係咁，食環署啲人淨係叫人擺番好就算，轉頭咪又打回原形！」郭先生指北角街市有檔戶常將貨物擺出行人通道，甚至佔用觸覺引路帶，造成嚴重阻塞，不滿食環署視若無睹。
兩年廿一宗檢控
食物環境衞生署發言人證實，過去兩年曾接獲十一宗相關投訴，同期共向違規檔戶提出廿一宗檢控。發言人重申，如發現檔戶佔用公眾地方並造成阻塞，會先發出口頭警告，若警告無效便會提出檢控。
郭先生直指幾乎每日都見北角街市檔戶違規佔用通道，不滿食環署執法不力，變相縱容，「啲檔明明有劃界，但過唔過界食環署就從來都唔理，仲要兩年先得嗰廿一單檢控，唔怪得投訴極都冇改善！」