環境局局長黃錦星近日再就大浪西灣西灣村納入郊野公園範圍，重申鄉民嘅土地唔會受到影響，又強調政府唔係強搶民產。不過，鄉議局主席劉皇發尋日喺鄉議局執委會上批評，政府咁做等於變相充公鄉民私產，係「官逼民反」，稍後更會喺立法會提出修訂，廢除將西灣村納入郊野公園範圍。依家鄉議局上下已經準備到時拉大隊去立法會聲援發叔，睇嚟黃錦星要準備定迎戰喇！
