熟食中心鋼門常壞 食客不滿
伍小姐經常到紅磡街市熟食中心用膳，發現通往洗手間必經的一道鋼門經常損壞，多月來僅貼上「危險勿近，已報維修」通告，認為會對食客造成不便甚至危險，「道門爛咗好耐，連玻璃都冇埋，又閂唔實，淨係貼張通告出嚟叫人唔好行近就算，咁叫啲人喺邊度行去廁所？」
食物環境衞生署發言人指出，損毀之鋼門位於熟食中心通往洗手間的防煙門後方，因開關次數頻密而需要經常維修。對於發現損壞日期及被指拖延維修等問題，發言人俱未有正面回應，僅稱正與建築署研究可行方案，而損壞鋼門則於日前更換。
「明知成日壞，就索性換過道好啲嘅門啦！」伍小姐認為當局不斷更換同款鋼門將無助解決問題，建議選用質素更佳的物料，避免經常損壞。