平台僭建拆完再起 屋署束手
僭建物拆完又「翻生」，屋宇署執法效用成疑！西灣河新成街有大廈平台於年前曾被揭有僭建物，遭屋宇署飭令清拆，惟早前僭建屋又再出現，「舊年先拆完，唔夠半年又起番，同屋宇署投訴都冇人理，唔怪得愈嚟愈多人僭建啦！」街坊陳先生不滿當局對違規情況不聞不問，無視樓宇安全。
屋宇署發言人表示，派員視察後，證實平台上有新建僭建物，並屬須優先取締類別，已根據《建築物條例》向有關業主發清拆令，要求清拆。
「就算發咗清拆令，屋宇署都要睇實有冇拆到（僭建物），唔好下下搞幾年都未拆！」陳先生要求當局加緊巡視「僭建黑點」，並透過嚴厲執法，雙管齊下加強阻嚇作用。