批佔中係「政治迷債」
律師會前會長何君堯（Junius）就加入戰團，批評佔中係「政治迷債」，又話戴耀廷將佔中比喻為公民抗命，叫人走去犯法，但自己就好錫身，提議戴耀廷自己絕食先。
記得中西區區議員張國鈞三年前都用過「政治迷債」來形容五名立法會議員辭職發起所謂嘅「五區公投」，今次Junius又以「政治迷債」來形容佔中，莫非佢覺得佔中會令市民嘅經濟損失慘重？
另外，Junius之前同其他新界鄉紳組成嘅「新界關注大聯盟」，佢講到明唔同意擴建垃圾堆填區，又怕屯門堆填區同將來嘅龍鼓灘填海範圍好接近，擔心到時變成另一個將軍澳喎。