作為城中富二代嘅理文造紙主席李文俊（Raymond），自當上百仁基金主席後，經常抽時間參與社會公益活動，佢尋日專程到屯門仁濟醫院第二中學同一班學生分享成功經驗。Raymond話，當年佢喺外國學成歸來後，先到爸爸嘅手袋公司學習，直至九四年創立理文造紙至今，期間經歷過九七年金融風暴及○八年金融海嘯等經濟困難，多年來靠保持信心克服種種危機。佢又話，現時年輕一代好容易迷失方向，所以希望為大家打打氣，鼓勵同學做任何事都要有信心，不斷學習、不自滿，等待成功來臨。
（葉華英攝）
