乘客質疑電車清潔求其
電車歷史悠久，是香港島特有的標記之一，不但深受遊客歡迎，亦為港島區居民主要交通工具之一。不過，陳先生發現電車窗框及車身不時滿布塵埃，疑久未打掃，「電車本身好有懷舊風情，但都冇理由連塵都唔掃，試過隻手唔覺意摸到個窗框即刻成手黑晒！」
影響香港形象
香港電車公司發言人指出，所有載客電車平均約每八個工作日便駛往屈地街電車廠進行大規模清潔，亦有安排清潔員工駐守總站，當電車到站時為車廂作普通清潔。發言人又說，倘車長發現個別車廂清潔欠佳，亦會盡快安排回廠清潔。
「電車真係好代表到香港，好多遊客都特登嚟搭，清潔真係要做得仔細啲，唔好咁求其！」陳先生要求電車公司加強留意車廂清潔，以免影響香港形象。