工程冇手尾 路牌棄地面
「塊路牌放咗喺度個幾星期都冇人裝番上去，街坊就知呢度係天福路啫，如果揸車嘅人唔熟路又冇路牌睇，真係分分鐘蕩失路！」居於天水圍的余先生指出，一塊天福路路牌被棄置垃圾桶旁多時，疑路牌倒下後無人維修，不但阻礙街坊出入，亦擔心區外人未能憑路牌認路。
路政署發言人證實，經巡查後發現天福路路牌被放置行人路旁，相信事件與一間公共事業機構早前在附近花槽進行挖掘工程有關。發言人稱，已即時指示承辦商重新安裝，並正就上述不恰當情況與相關機構跟進。
余先生狠批相關機構「冇手尾」，要求路政署嚴厲處理，「做完工程又唔裝番好個路牌，要政府用公帑幫佢哋執手尾，路政署唔可以就咁算數，應該向間機構追究責任！」