已故全國政協副主席霍英東家族爭產案，高等法院本周一聽畢各方陳詞後押後宣判。事隔四日，尋日霍家長房二子同長房三子霍震宇巧合地出席同一個研究中心嘅成立典禮，主辦單位不知有心定無意，安排震寰同震宇分開兩行坐，震寰坐面第一行近中間位置，震宇就坐第二行，正正喺震寰後面嗰行隔一個位。本來二人座位較近傾下偈都好正常，然而二人全程幾乎係零交流，震寰大部分時間目光都專注台上儀式，震宇有時則短暫合埋眼，疑閉目養神休息，唔通兩兄弟真係冇偈傾？
（郭曉樂攝）
