渡海濠情：靚仔無情小心上當
杭州日前拘捕咗一名騙子，由於佢樣子似金城武，兩三年間透過網絡先後呃咗三個女子，共百幾萬財物，但其中一名受害者竟向警方否認受騙，唔通真係靚仔大晒？嚟自金池桑拿嘅安琪就話，靚仔冇本心，千祈咪上當！
短訊攻勢
睇嚟安琪都上過當喎？安琪話：「一提起就把幾火，話說我之前嘅男朋友對我非常好，加上佢屋企有啲錢，所以想嫁咗佢就算，唯一美中不足就係唔太靚仔，但彼此交往一直冇問題，點知突然間出現咗一個貌似霆鋒嘅型男，我原先冇乜留意佢，但一見面佢就成日撩我傾偈，返到屋企佢仲用短訊攻勢，有時唔睬佢，佢就主動挑釁博你鬧佢，係都要你覆佢為止，就係咁愈鬧愈熟，搞到晚晚都同佢玩短訊」
花心蘿蔔
呢鋪真係出事啦！安琪話：「有次男朋友出外公幹，一個人無所事事，佢竟提議上門陪我，於是咪答允囉！點知嗰晚就出事，後來反省，一來佢太靚仔，二來多日來嘅短訊，我嘅心理狀態已經畀佢完全控制住，一見面乜都聽晒佢話，之後瞞住男友同佢一齊，後嚟男友發現，當然提出分手，我同佢一齊冇耐，床頭金盡，佢竟要我賺錢養佢，兼且發現佢同時交往緊兩三個女友，實在太過分，於是毅然同佢分手，得出結論就係靚仔冇本心，情聖實花心！」
安琪 Profile
年齡：20歲
三圍：35-25-36
撰文：小德
攝影：阿文