「等我幫你畫吓塊面先啦，哈哈哈……」明年便要應考中學文憑試的家儀，早前一個周末不是窩在補習社溫習，而是聯同數名同班同學，帶領一群輕度至中度智障人士到旺角一間樓上Café，飲飲食食、玩玩遊戲，齊齊慶祝萬聖節。家儀「滿場飛」，不時為智障人士倒飲品、取食物，又細心聆聽他們說話，熱情地給予回應。

穿上印有團隊標誌的T恤，家儀與一班義工同學一臉稚氣，但在照顧智障人士時，卻頭頭是道。「唔制呀，點解我冇得揀，我要飲果汁呀！」期間，一名智障人士鬧脾氣，更將雙腳擱在櫈上，義工之一的Tim耐心教導他，「唔可以咁o架，放番低雙腳落嚟先。你有糖尿病，唔可以飲甜嘢。」該智障人士聽罷，雖然仍然「扁扁嘴」，但也乖乖放下雙腳，靜靜吃東西。

家儀透過義工服務建立自信及找到自我定位。

「Luster」由八名成員組成，為視障及智障人士組織不同的活動，促進社會共融。

衝出書房解「儀」惑

身為家中長女的家儀，向來品學兼優，但「乖乖女」的標籤，為她帶來沉重壓力，「我考頭三名，屋企人會問點解唔係第一名，當我考全班第一，又會問點解唔係全級第一？」家儀曾經壓力大得「匿」在房間，用筆「篤」數學試題練習簿發洩，「無形之中都會有壓力，會諗點解佢哋（家人）唔讚我？」

義工與智障人士打成一片，樂也融融。

丁丁

直至今年六月，家儀與七名同學組成義工團隊「Luster」，透過為視障及智障人士組織不同的活動，終於找到自我，「初頭覺得自己冇咩幫到大家，但慢慢發現原來我搞氣氛都幾叻，又會喺突發情況諗到『計仔』解決。依家覺得自己係好有用嘅！」走出書房和課室，讓「Luster」明白到，看重成績表上「五星星」的同時，如何在社會上做個有貢獻的「星級人士」，回饋有需要的人，亦同樣重要。

義工團隊「Luster」由救世軍油麻地青少年綜合服務的社工丁丁帶領，經過五個月的相處，丁丁見證一班中學生由欠缺自信，蛻變成一群肯定自我，找到自我定位的小夥子。

「佢哋嚟自名校，本身就好乖巧，但一開頭冇咩自信，唔知自己強項喺邊度，會不斷質疑自己。」丁丁指，學生義工在組織活動及參與成長營的過程中，需要和其他團員磨合，亦要與平日鮮有接觸的人士溝通，從中他們開始了解自己的長處，建立自信，「佢哋睇嘅嘢闊咗，成熟咗好多，唔再係只係掛住DSE要考五星星嘅學生。」雖然參與義工服務可獲得證書，對考大學有一定幫助，但丁丁笑言，「佢哋都冇畀我簽過！」

丁丁坦言，學童自殺的悲劇頻生，令人關注名校生的抗壓能力，「大家會覺得名校生同成績好嘅學生，自己搞得掂，唔使點理，不過佢哋往往容易被遺忘。」她指，近年名校開始舉辦課外活動，為學生減壓，「通常啲學生有事都唔會主動搵社工，因為覺得一見社工就好似自己有問題咁。所以我哋會通過活動，去observe（觀察）邊啲學生有存在情緒問題，可以防患未然。 」

圖：關萬亨

文：溫盈盈

提名熱線:3600 9999

Fax:3600 9900

E-mail:like@on.cc