資訊科技界立法會議員莫乃光將會喺周三立法會大會上，提出引用《立法會（權力及特權）條例》（特權法）呢把「尚方寶劍」，索閱行政會議討論免費電視牌照嘅相關文件。不過，大部分建制派議員已表明投票反對，其中議員黃國健同葉劉淑儀更充當行會左右門神，捍衞行會行之有效嘅保密制。黃國健擔心，引用特權法向行會攞文件會衝擊行會保密制，影響行政主導。葉劉淑儀就話，行會決定除咗睇顧問報告，仲有其他因素考慮，如果只係發放顧問報告，只會誤導市民。
