立法會議員李卓人早前聯同「佔領中環」發起人朱耀明、真普選聯盟召集人鄭宇碩去台灣會見鼓吹台獨嘅民進黨前主席施明德，被建制派狠批佢哋勾結台獨勢力，更被形容此舉就好似情侶談婚論嫁階段仍夜生活多多，去蒲吧又去唱卡拉OK，破壞中央同香港嘅互信。李卓人原定下月會再到台灣參加施明德基金會搞嘅研討會，但尋日就話暫時擱置行程，雖然佢有解釋原因，但之前佢講到係威係勢，依家就臨時縮沙，莫非因為被指「勾結台獨勢力」而感到腳軟？
