菜檔阻街多年 冇改善
「十幾年嚟都係咁，唔單止擺晒啲發泡膠箱上行人路，有時連馬路都霸埋，食環署究竟有冇做嘢？」元朗街坊李先生指俊賢坊乃區內阻街黑點之一，有菜檔不但將貨物擺放行人路造成阻塞，盛載貨物的發泡膠箱亦不斷流出污水，嚴重影響環境衞生，不滿食環署多年來均無力根治問題。
店舖罰款當交租
食物環境衞生署發言人表示，一向關注上址店舖在行人路擺放貨物問題，接獲轉介後曾派員巡查，發現有店舖在行人路擺放貨物造成阻塞，遂檢控負責人。過去一年共接獲十一宗相關投訴，已提出四十八宗檢控。
李先生認為，當局雖間有派員執法，但力度明顯不足，巡查亦有欠仔細，不但無助根治問題，甚至有縱容店舖繼續違例之嫌，「間舖頭依家唔放啲雜物喺行人路，改咗放喺公園，食環署平均一個禮拜先嚟查一次，啲舖頭都係罰款當交租！」