政情：公民講場：建積當實積 信佢唔得掂

北區爆發幼稚園學額荒，無論係雙非、單非、定係本地家長都要大排長龍輪報名表，但外號「唔得掂」嘅教育局局長吳克儉，就一直堅稱全港有超過廿四萬個幼稚園學額，夠晒十六萬八千名適齡幼童就讀。立法會教育事務委員會尋日討論有關問題時，教育界議員葉建源就踢爆該廿四萬個學額，其實係計埋所有空置校舍嘅最大收生量，並非現有嘅實際學額數字，炮轟吳克儉嘅講法猶如發展商賣發水樓，將建築面積當做實用面積嚟宣傳，認真唔得掂。