商戶落閘叫苦 市民繞道勞氣
【本報訊】「點解唔畀我過？企喺度都唔畀，我無犯法、又無阻住你，搞錯呀！」封路期間，途人及商戶大受影響，鬧爆有關部門處理緩慢，其中市民許小姐昨午行經彌敦道及豉油街交界，欲橫過街口時遭警員阻止，不滿需繞道而行，浪費時間，叉腰指罵警員。
戚先生放工在彌敦道及荔枝角道交界巴士站等候巴士逾句鐘仍未能上車，最後無奈改乘港鐵：「完全唔知發生咩事，通告又無張，應該可以安排得好啲！」郭小姐則需比平日多走一個巴士站方能登車：「都有指示嘅，等車耐咗。」
被封路段的商戶叫苦連天，其中一間珠寶店的吳經理表示：「平時呢個時間，店入面應該有廿幾個客睇緊嘢，而依家一個都無，估計唔到有幾多損失，都無辦法。」另一家珠寶店的女職員亦表示：「應該無咗七、八成生意。」
報檔東主陳女士大嘆生意大受影響：「今日啲報紙一定賣唔晒啦！損失幾千蚊。」
恐延誤上機 旅客鼓譟
居於被封路段賓館的旅客亦大受影響，來自北京的張小姐昨午趕回賓館收拾行李飛往台灣，惟因封路關係無法返回賓館，一度鼓譟：「一定趕不及飛機了，怎麼辦？」另有兩名英國女遊客欲前往女人街，因封路關係需兜大圈。