政情：公民講場：有人搞搞震 損京港互信

立法會議員李卓人早前聯同「佔領中環」發起人朱耀明、真普選聯盟召集人鄭宇碩去台灣會見鼓吹台獨嘅前民進黨主席施明德，被建制派狠批佢哋勾結台獨勢力。行政會議成員兼立法會議員李慧琼尋日就喺電台節目形容，香港同中央要建立互信就好似拍拖嘅男女咁︰「一男一女建立互信、準備談婚論嫁嘅時候，個男仔同女仔講我唔鍾意你咁多夜生活、可能又唔鍾意你蒲吧啦、唔鍾意你唱卡拉OK啦……」，暗批李卓人會見施明德傾佔中係破壞中央同香港嘅互信。