政情：游錦榮帶隊山西「掘金」
山西煤礦同企業家都好多，呢塊黃金地，商機處處。香港山西商會副會長游錦榮（Anthony）日前就帶領一班本港商家考察山西，包括該會永遠名譽會長霍震寰、霍英東集團副總裁霍啟文、副會長胡曉明、香港專業及資深行政人員協會副會長黃偉雄、會員張寬年及投資專家龐寶林等人，夠晒熱鬧。
咪睇少山西人嘅購買力，因為當地企業家雲集，優質房地產唔憂賣，加上售價相比北京、上海等大城市，仍然偏低，聽聞有樓盤開售兩、三個鐘就掃清。Anthony都睇好呢股旋風，預測當地房地產仍有上升潛力，正考慮投資山西「磚頭」，只要睇啱優質盤，絕不手軟喎。