路旁水氹深 危害途人
「個大窿喺正行人路隔籬，係咪要有個細路跌落去搞出人命先做嘢？」吳先生早前於天雨期間途經流浮山深灣路，因閃避途人而誤踏路旁水氹，未料水氹竟為水深達四、五呎的大坑，吳當場全身濕透，手機亦告報銷。吳指水氹深不見底，擔心水面一旦蓋過行人路，途人將難以分辨路面邊界，構成陷阱，「一個警告牌都冇，個窿又深又臭，仲堆晒垃圾，我要爬先爬到上嚟，真係好危險！」
路政署發言人承認早前接獲市民報告，發現有關低漥位置容易積水。經與相關部問商議後，運輸署基於安全考慮，已向該署發出施工指示，在行人路旁加上欄杆以分隔相鄰地方，有關工程現已進行前期工作。
吳先生坦言，向本報投訴前，曾分別向不同部門投訴，惟歷時三個多月問題仍未解決，要求當局盡快完成工程以保途人安全。