倡增提委會認受性
雖然梁美芬喺研討會上就提名委員會組成辦法同《基本法》內有關普選條文講咗成個鐘頭，但佢講嘅所有嘢都係近期好多人都有提到嘅論點，包括普選要依照一國兩制及憲制基礎，唔好「行掘頭路」討論有違《基本法》原意嘅公民提名方案。
佢又建議政府喺諮詢文件中擴大提委會四大界別嘅選民基礎，以增加提委會認受性。
何濼生就重申提委會要有實則提名功能，建議政府容許十八區市民一人一票選出提委會成員代佢哋提名特首候選人。
另外，經濟學者曾淵滄亦都建議部分提委會成員以「公民提名」方式產生，咁除咗可以確保提委會有足夠認受性外，亦直接擴大提委會界別選民基礎，可謂一舉兩得喎。