政情：今日你上鏡：用智能手機　方潤華身教青少

年近九十歲嘅協成行集團主席方潤華，每次現身都精神奕奕，除咗反映佢養生有道外，仲可能同佢一直秉持終生學習嘅態度有關。話說方潤華早前出席一個展覽活動，難得見到各界友好當然把握機會合照啦，只見佢攞出自己部智能手機畀在場朋友幫佢留影，其後有年輕人又主動要求合照，佢都來者不拒。方潤華仲向年輕人贈言話，佢已年近九十，估計對方只有佢年紀嘅兩成，藉此鼓勵年輕人繼續努力，之後就熟練地用智能電話打畀司機接送佢離開。