政情:周允成龐建貽獲委入「旅」

政府尋日公布旅遊發展局委任新成員名單,有四位「新血」加入,其中兩人都係富二代出身,包括珠寶店周生生第三代接班人周允成(Winston)及「鋼鐵大王」龐鼎元孫兒、經營洋酒及餐飲業務嘅龐建貽(Paulo),二人各自喺本身業界有豐富經驗,政府挑選佢哋加入旅發局,希望協助進一步推廣香港成為旅客嘅首選旅遊目的地。

現時為周生生執行董事副總經理嘅Winston,喺業界已有近三十年經驗,可謂業界嘅「老行尊」。而現年三十七歲、身為新世界發展主席鄭家純女婿嘅Paulo,早年已自立門戶,由佢喜愛品嘗嘅紅酒做起,將其飲食王國成功擴展至全港。

那巴利譚允芝同進局

至於旅遊發展局另外兩位新成員,分別係環美船務(WCT)主席那巴利(Barry D. Nassberg),以及香港大律師公會副主席譚允芝。WCT係啟德郵輪碼頭嘅營運商,未知今次那巴利加入局,會否令香港嘅郵輪業務更上一層樓呢?

第一手消息請下載on.cc東方互動iPhone/iPad/Android/Windows Phone Apps