渡海濠情：摸吓會發達？分明有蠱惑
位於意大利嘅旅遊景點茱麗葉故居，每個遊客嚟親都會摸摸佢銅像嘅胸部，祈求愛情運好轉，由於日子有功，摸到胸部蝕晒之外，日前仲發現穿咗個窿添！
而嚟自富城會嘅Emma就話，都唔知有乜好摸！
乜菌都有
Emma話：「每次出外旅遊，去到著名景點啲領隊總會叫你摸呢度，摸嗰度，又話摸咗會發財，摸過就會行運，我從來都唔信呢啲嘢，事關我相信命運在我手，點會話摸摸個龍鼻就會行運吖，而且人人都摸過，衞生就已經好有問題，佢哋摸之前，一定冇洗手，加上摸嘅時候，個個都出手搓，驚死蝕底咁，唔好話手上嘅污漕嘢，連死皮都捽埋上去，你摸完下一個又出力捽，上面真係乜嘢病毒細菌都有，所以就算包發達，我都唔會走埋去摸！」
額外收費
講得幾有道理！Emma挑起條筋仲有嘢講：「仲有摸呢啲公仔嘅鼻呀，頭呀！仲要客人額外畀錢，有時十蚊八蚊，有啲仲要一百幾十，我真係冇佢咁好氣，有錢我情願買支水或者買啲紀念品好過，要我畀錢摸呢啲公仔，真係咪預我。有次同個富二代男友去旅行，佢畀埋錢叫我去摸，我話要我摸都得，額外畀大紅包我，我至破例，由於佢信，於是焗住答應，當日我足足收咗十幾封大紅包。」擺明幫你發達啦！咁都唔信！
Emma Profile
年齡：21歲
三圍：34-24-35
撰文：小德
攝影：阿德