立法會議員郭家麒繼上周三喺立法會大會提出引用特權法調查發展局局長陳茂波家族持有新界東北農地事件後，尋日又再向特首梁振英提出不信任動議，好似反政府反上癮咁。建制派議員鍾樹根就睇唔過眼，話香港嘅生存已備受挑戰，但郭家麒就喺度「因私忘公」 ，一次又一次咁提出叫官員下台、特首下台嘅動議，又話反對派咩都反、咩都倒，正一係「倒米壽星」，有破壞、冇建設咁話。樹根仲建議郭家麒同埋班反對派睇多啲國內新聞，了解下外間發展到咩程度，就明白香港已處於內憂外患嘅地步喎！
