渡海濠情：伴遊服務培訓拍拖高手
日本有間伴遊公司提供未成年少女伴遊服務，但就指明只陪客人吃喝玩樂，連手仔都唔摸得，睇嚟好正經，點知有囡囡竟屈客人非禮，仲勒索八十萬掩口費，認真勢兇夾狼，嚟自十八桑拿嘅小雪就話咁都得！
冇人幫襯
小雪話：「我其實早就打算開一間類似嘅服務公司，為啲冇約會經驗嘅男士提供伴遊服務，囡囡個個都要年輕貌美，青春可人，範圍只限陪客人行街睇戲食飯，囡囡喺每次服務之後，都會提交報告，評估客人表現，我會再次約見客人，同佢交流一下心得同埋提供一啲約會嘅小技巧，等佢下次約會時可以表現得更出色，但家陣整單咁大鑊嘅嘢出嚟，啲客人仲邊敢幫襯？」
大有市場
點解會有咁嘅諗法嘅？小雪話：「咪係受到我第一任男朋友嘅啟發囉！佢好內向o架！而且從來冇拍過拖，我哋都將第一次畀咗大家，但佢真係乜都唔識，連去餐廳點餐同去戲院買飛都唔識，全部都由我嚟做，呢啲都係其次，佢拍拖期間又唔識講笑，又唔識安排，遇到事仲第一時間走人，你話係咪激氣吖！我足足花咗半年時間改變佢，終於變成約會高手，可惜！之後就不斷同其他囡囡約會，我覺得都係歸功於我嘅教導手法，所以呢門生意絕對係有得做！」
撰文：小德
攝影：阿德