新任商務及經濟發展局副局長梁敬國（Godfrey）尋日履新，局長蘇錦樑（Greg蘇）好心諗住帶個新同事去立法會介紹畀議員認識，但點知好心做壞事，佢似乎唔記得依家全城熱議免費電視發牌一事，搞到Godfrey第一日返工就要「受靶」，被記者追問點睇政府發牌問題。被問到第一日返工有咩感受，Godfrey就話，雖然新工作挑戰性大，但唔認為係燙手山芋，佢會積極面對，又話未來會加強同商界、中小企溝通，最終佢係咪冧得掂啲工商界，咁就要拭目以待喇！
