東方報業集團早前獨家報道，荷里活科幻巨片《變形金剛4》今個月底會喺香港取景，到時博派機械人大黃蜂（Bumble Bee）會現身立法會大樓外。電影公司到立法會取景嗰日係星期六，但相信唔少立法會議員係呢套片嘅影迷，帶埋屋企人霸個靚位睇戲。其中民建聯蔣麗芸（Ann）同埋社民連梁國雄（長毛）隨時化身老臨，阿Ann施展「獅吼功」，長毛就表演掟嘢，話唔定博得幾秒上鏡！
