講起「絕代雙貪」，老朽就火都嚟埋！老朽雖然未至青筋暴現，聲如雷響，之不過，見到啲人貪到連公家茅台、連牛雜魚蛋都入公數，唔勞氣就勢係假！
如果一個機構，充斥啲咁嘅人，而且更係管理、領導層，老朽膽敢講句，呢個機構玩完！
台灣作家龍應台曾指出，在台灣所有小學，你一進校門，當頭就是四個大字：「禮義廉恥」。進入教室，牆壁上也有四個大字：「禮義廉恥」。台灣小學裏這樣對孩子解釋：禮，規規矩矩的態度。義，正正當當的行為。廉，清清白白的辨別。恥，切切實實的覺悟。龍應台說若然一定要她在成千上萬的「格言」裏找出那個最最基本的價值的基座，大概就是這四個字。
旨哉斯言，今觀乎絕代雙貪的言行舉止，昭昭然就像不知「禮義廉恥」為何物！
作為一個有風度的政治人物，好應該為自己嘅言行負責，錯了就要認，而不是逃避，一味「唔記得」、「唔清楚」、「唔知道」的推搪！算點？老朽曾講過南韓總統李明博個例子，不妨同讀者再溫一次。
話說李明博離任前遭遇了媒體對其家人重蹈南韓歷任總統家屬貪腐覆轍嘅強烈質疑，本來已被檢調機關了結的「退休後私宅案」，硬是被在野黨揪住不放。幾個月後，李明博簽署法令，批准特檢組對自己的全家老少進行一個月的徹查，結果檢方證明其家人在此案中的清白。反對黨對這位任內捐出大部分家財（約三百億韓圜）的總統，也終於無責可咎。
講真，貪曾日日上教堂禱告、貪湯話自然會「水落石出」，全是廢噏，想貪曾銷毀檔案時，把酒臨風，未知有否李白之情懷：壺中日月存心近，島外煙霞入夢清？與「曾朋友」豪遊地中海，冇理由發噩夢！只有春夢了無痕！