政情：今日你上鏡：「施嘉」食蜆 當眾互餵

中華廠商聯合會會長施榮懷尋日喺葵涌舉行嘅食品嘉年華上大展廚藝，同廠商會展覽服務有限公司主席吳永嘉兩兄弟拍住示範炮製豉椒炒蜆、薑葱魚腩煲，期間仲「煙韌」互餵對方搞氣氛。不過，吳永嘉食到好似同隻蜆Kiss咁，啜到雙眼半開半合，引來台下觀眾一陣爆笑聲。施榮懷仲自爆老婆連煲飯都唔識，點知佢老婆就反駁話：「你唔係同我結咗婚二十年，到依家至知嘛？」不過，施家上下都精通廚藝，太太識唔識煮飯都冇所謂啦！