Party Life：美麗之敍

有法國殿堂級美容品牌搞甜美邂逅茶敍，相約一眾名媛High Tea，體驗玫瑰幹細胞護膚的神奇力量。中華武術，不但可以防身禦敵，仲係個人品格嘅鍛煉，譽為「國粹」實不為過。

中華國術總會早前喺中環一間會所舉辦武術推介會，主席趙式慶除簡述本地武術門派之歷史沿革，更親自進行招式示範，在場功夫迷莫不大呼過癮。另一邊廂，數百位資訊科技業界精英早前雲集一個酒會，摸住酒杯底傾創意，分外有靈感。

體驗御膚術名模Ana R.（左）剛宣布與男友訂婚，身為好友嘅公關界女強人周美鳳（右）第一時間送上心形粉紅蛋糕祝賀。	對於中國武術，兩位潮青林思俊（右）與李嘉莉（中）都想學番一招半式，而灣仔區議員伍婉婷（左），就仰慕武林高手謙遜克己嘅高尚情操。（徐家浩攝）	中華國術總會會長王嘉恩（左起）、主席趙式慶同副會長周國豐都矢志推動中華武術嘅發展。
愛群製藥執行董事鄭祖聰（右）追隨洪拳大師趙志凌習武多時，佢身旁嘅太太龔雅璇應該好有安全感。	IT精英雲集香港青聯科技協會副主席黃麗芳（左）與互聯網專業協會執委謝嘉恩（右）都係IT界才女。	香港資訊科技聯會會長黃錦輝（右）係飲得之人，青聯賢慧社副司庫鄭燕華（左）當然要敬佢一杯。
互聯網專業協會會長洪為民（右）與數碼港管理公司董事局主席周文耀（左）惺惺相惜。（嚴少阡攝）