網民速起底 留言蜜照愛恨交纏
【本報訊】女的狠摑、男則跪地，女方被譏為「史上最強悍港女」，男方則被指「影衰男人」，並極速遭人起底，原來男女主角過去一直爭執不斷，而「家庭暴力」也不止一次發生，男方上個月才在facebook留言，指「我一定會記得你琴晚點打我屈我」，女方則回應稱「你有本事咪報警」，又指男方「有錢又唔×還錢」是「世紀賤狗」。姓鄭女主角曾任職旺角一間便利店，約於一年前離職，有店員透露，其男友經常在店外接鄭女放工，也有恩愛一面。
男為女「飛的」買雞翼尖
片段前晚起在互聯網流傳，男女雙方facebook亦迅速遭網民起底，二人相信同晚鎖帳號，不過有網民已將他們以往的留言截圖並公開，據稱二人居於沙田。其中男方八月時曾留言申訴「覺得自己好×傻」，「同阿媽食個飯又要發我脾氣」，女方更要他夜晚「搭二百幾蚊的士入元朗買一隻雞翼尖比（畀）你依個大小姐」。
上月他又留言稱「如果我唔係鐘（鍾）意你 你琴晚響臭格我都話想冷靜 你係都要激我打我」，不過女方留言駁斥他「自己自殘話我打你都已經唔係第一次」；女方另留言斥責男方「冇錢就唔好咁多嗲啦 我唔比（畀）錢你你點返到工呀」等。不過二人都有「恩愛時刻」，曾相擁合照及嘴對嘴留影。
二人「行為」遭網民熱議，有網民指過去曾見過二人爭執，當時女方將男方電話扔落地「條仔係咁喊」；有人斥女方「要人跪要打人就係錯」，更質疑女方「根本無鐘（鍾）意過條仔，不停咁玩緊佢！變態！」。女的被插「影衰女人」，男的亦被指「影衰男人」，不過有人同情男主角、欣賞他無還手。