「奴隸獸」（火羅）爆全城

這段名為《【奴隸獸】傻的嗎港男跪地　挨港女「女友」巴掌》的短片，於前晚上傳至短片分享網站YouTube，之後極速在多個facebook專頁及各大網上討論區廣傳，單在YouTube至昨晚十一時已有超過十三萬次點擊。

警：「上次已第16次喇喎！」

短片於前日下午約五時十分在馬頭角新碼頭街翔龍灣廣場外拍攝，雖然片長僅約五分半鐘，但其中一名報警的女途人昨對本報說，其實事件擾攘了約半小時，現場一度有逾百人圍觀，警員到場時，她更聽到有警員說：「又係你兩個？上次已經第十六次喇喎！」估計這對「癡男怨女」的轇轕已多次驚動警方。

片中其實有第三名主角，旁邊站着的少女相信是兩人的共同朋友。女友甫開始就質問男友「你帶人上你屋企做咩？」隨即舉起手摑向男友左面，男友激動嚎哭解釋「我頭先都同佢講唔好上嚟」，但女友咄咄逼人：「你係咪當我冇到？」左手執緊男友前額頭髮再問「係咪呀？」右手則連摑男友三巴。

「帶女仔返屋企」遭扯髮問罪

男友縱然哭道「我冇呀！佢話佢問咗你o架！」女方又摑一巴：「成個女朋友響度，帶個女仔返屋企！」男方無奈向身旁少女喝道「你出吓聲好冇！」又慘叫「點解要屈我！」更解釋「佢響你面前講話得唔得，你自己話得！」但女友未息怒，伸手推他頭兩次，未幾又摑一巴，續問：「我同意你帶女仔返屋企係咪？」甚至轉向圍觀者大喊「話我叫個女仔上佢屋企呀！」該名女性友人全程站在一旁未多作聲，只頻頻伸手拉女主角衫袖似想叫停，卻未被理會。

後來圍觀途人紛紛聲援男方「唔好要條女啦」、「你阿媽都唔會咁對你」、「打咗十幾巴仲唔夠？捱多十幾巴呀諗住」、「使唔使跪埋玻璃」，更有人稱「偷情都應該啦！衰到咁」、「點樣都唔應該響條街打人」，有途人上前勸交，但反被女方指稱「你哋個個旁觀見到啫，佢點對我你哋唔知」，「唔關你事！」

多名途人報案 男臉腫驗傷

據知警方就此事接獲多人報警，據目擊全程的一名報案女途人昨憶述，從兩人對話，估計兩人同居，男友帶女性友人回家等女友收工，並堅稱「冇發生咩事」，但女友不信，因而出事。她又說，當時圍觀的包括大批內地旅客，很多人拍片，她不值女方所為報警。警方昨證實，前日接報指翔龍灣廣場對開有男女疑因感情問題爭執，警方到場拘捕一涉嫌襲擊的二十歲少女鄭×娜，而廿三歲姓趙男受害人則左臉紅腫，送伊利沙伯醫院檢驗，案件交九龍城警區刑事調查七隊，被捕女子本月中須返署報到。