自詡公信第一嘅《明報》，近年報道新聞出錯好似當食生菜咁。尋日該報即時新聞又有新嘢，竟然話特首梁振英喺十‧一酒會「將辭職」，事後當然證實該報呢個消息係子虛烏有，要急急更正致歉。其實該報將「報網一體，公信第一」字樣印喺報頭，確係得啖笑，之前已有網民質疑該報係咪已牴觸《商品說明修訂條例》，直言如果有關聲稱缺乏支持理據就應該停止使用，話口未完，尋日再出錯確係鐵證如山擺在眼前，如果該報有自知之明嘅話，就早啲自行刪除有關字樣，否則要被人強制刪除時就真係自己攞架嚟丟喇！
