升級再造的傢俬不愁出路，有銅鑼灣新開的餐廳一口氣訂下七張餐桌，全部以棄置木材再創作製造，支持本地環保自「傢」設計。
由七月試業至今，木一番雖然距收支平衡仍有一段距離，但傢俬定價仍較坊間的實木傢俬便宜。「坊間唔係實木嘅電腦枱買緊千五至二千蚊，我哋嘅電腦枱會平少少。」Eric說，部分產品希望以平價或與坊間相若的售價，吸引顧客光顧環保再造的設計。該店扣除成本及開支後，將利潤全數支持另一食物回收組織「食德好」，為各種被遺棄資源歸位。
Eric表示，長遠希望發展成一個傢俬回收再造的平台，不但出售再造傢俬，設計師更可嘗試不同的設計，木工師傅亦有更多的工作機會，各種資源可以共享。