政情：大劉封口 與細劉食晏

細劉劉鑾鴻早阿哥一步到達「飯堂」。

拒回應是否被搶地皮

尋日中午十二點幾，大劉嘅四個保鏢首先去到灣仔嘅富豪飯堂福臨門外準備，大約一點左右，細劉同太太最先到達，其後大劉媽媽與妹妹劉玉珍緊隨其後。大約一點十五分，身穿西裝外套嘅大劉與女友呂麗君、囡囡劉秀盈坐同一架車到達。記者再度追問大劉有關澳門單巨貪官司進展如何、佢是否遭人強搶地皮時，今次大劉就選擇木無表情，對提問不瞅不睬，然後一支箭走入飯堂開餐。佢哋食飯食到兩點廿五分，就全部人一齊走。

• 大劉劉鑾雄拒回應係咪被人硬搶地。