政情：李嘉誠談教育投資：不推教改是罪行
李嘉誠基金會捐資一億三千萬美元（即超過十億港元）創辦新嘅學院，學院喺汕頭大學校園旁興建，並獲全球知名嘅以色列理工學院全力支持，新學院將命名為廣東以色列理工學院（TGIT）。和黃主席李嘉誠尋日特登去以色列台拉維夫出席備忘錄簽署儀式，李嘉誠話，投資教育係創造未來，投資教育失當，不推行改革係對未來嘅罪行。
捐逾十億汕頭建理工學院
今次係廣東省及汕頭市人民政府、以色列理工學院同埋汕頭大學史無前例既合作，汕頭市政府會捐九億人民幣同卅三萬平方公尺的土地，支持學校建設同發展，今次亦係以色列高等教育界有史以來最大筆捐款之一，預計學院十年內就會成為廣東省內最優秀嘅科技學院，引領中國發展工程、科學同生命科學嘅發展。李嘉誠喺參與簽約儀式話，科技係迷人嘅魔術棒，內含成就轉變嘅威力。