食物及衞生局局長高永文早前透露會於十．一黃金周期間做奶粉壓力測試，藉此評估實施超過半年嘅「限奶令」係咪可以撤銷。高永文今次事前張揚惹來「小風波」，因為有人形容此舉猶如「通水」，等藥房同奶粉供應商早有準備，甚至可以囤積足夠奶粉應付需求，但高永文尋日出席活動時死撐唔係「通水」。如果咁都話唔係「通水」，咁點樣先至算係「通水」呢？莫非要講明當局幾時幾刻會派人去藥房「放蛇」買奶粉？實在難怪有人猜測當局有關壓力測試係為撤銷「限奶令」鋪設下台階喇！
