「貪湯」前廉政專員湯顯明上任後喺廉政公署內部增設「策略研究組」，齋睇個名以為係負責研究啲反貪腐新策略，但尋日嘅立法會政府帳目委員會聆訊揭露，原來呢個研究組係專用來幫貪湯選購名貴茅台、靚牛腩、爽魚蛋、以及各式各樣嘅騎呢禮物，難怪現任廉政專員白韞六上場後無耐，就將呢個畸形研究組解散。如果貪湯早啲將呢條橋介紹畀佢嘅貪字兄弟「貪曾」前特首曾蔭權爵士，貪曾實會喺特首辦之下開番個類似研究組，專責研究點樣可以更狼胎咁用公帑貪盡海陸空。
