「黑白配，男仔女仔配」呢句廣告口號早前經常聽到，現實中原來亦會出現「黑白配」，講緊嘅係署理特首林鄭月娥同外交部駐港副特派員姜瑜嘅衣着。話說林鄭同姜瑜尋日下午出席新聞界十．一酒會擔任主禮嘉賓，二人嘅衣着都有共通點，其中林鄭着住白色外套，黑色襯衣，姜瑜就着黑色外套，白色襯衣，換言之同樣以「黑白配」現身，相信事前無乜人估到佢哋會咁襯，加上喺台上又並排而站，令畫面相映成趣。
