唐樓臭水四溢 官僚袖手
無管理公司、無法團、無居民組織的「三無大廈」再被揭無政府部門施援！上環有舊樓業主疑擅自改動公用水渠，導致喉管爆裂後即人間蒸發，鄰居飽受臭水滋擾多月，面對極度惡劣的環境衞生，食環署與屋宇署竟撒手不管。區議員直斥部門處事官僚，未有急市民所急，要求盡快處理事件。
「成個夏天都好臭，落雨嗰陣加埋啲雨水，搞到啲污糟水好似瀑布咁湧落嚟，周圍都滑潺潺！」居於皇后大道中唐樓單位的吳太指出，有住戶疑在平台搭建僭建物，並擅自改動大廈公用污水渠，近日喉管更告爆裂，大量糞水從單位不斷湧至走廊及樓梯，對其他住戶造成嚴重滋擾，污水並沿樓梯流至附近街道，涉事單位卻人去樓空。
「淨係叫業主夾錢維修」
吳太指所居唐樓屬「三無大廈」，只能向政府部門求助，惜苦候逾兩月仍無寸進，「食環署及屋宇署淨係叫我哋啲業主夾錢整，但依家嘅問題係有僭建同改渠，點解部門都唔執法？」吳太指業主們日前曾集資加裝臨時喉管，惟懷疑公用渠爆裂位置落在平台搭建物內，致未能根治問題，「部門唔肯做嘢，唔通我哋自己入去拆人哋啲嘢？」
當區區議員許智峯亦指上址情況非常惡劣，狠斥部門處事官僚，未有急市民所急，要求當局以跨部門合作的形式盡快處理該事件，「市民搞唔掂先搵政府幫手，如果部門係咁意洗吓條街、叫業主夾錢維條渠就算，咁市民點解要納稅、出糧畀公務員？」
些微改動老喉管易爆裂
「唐樓啲喉太舊，少少改動就易爛，改渠亦會令水壓上升，負荷唔到就好易塞。」香港專業教育學院（屯門）建造工程系主任黃漢平說，即使些微改動亦可令舊樓老化喉管爆裂或淤塞，提醒市民切勿胡亂改動，一旦淤塞亦需聘用合資格人士處理。
食物環境衞生署發言人證實，上址一樓外有主污水渠破損，但涉事大廈並無業主立案法團，故已向所有業主發信，勸喻盡快進行修茸，並即時轉介予屋宇署跟進，同時加強清洗受影響一帶街道。
屋宇署發言人則說，經巡查後發現上址公用污水渠曾被改動，強調業主有責任作出維修，故已發信予樓宇的共同業主要求盡快修茸，並會繼續密切觀察情況，必要時會考慮安排政府承建商先進行緊急維修，再追討相關費用。發言人又證實，大廈一樓平台有僭建物，已向業主發出清拆令。
（ireport_00035043）
投訴組