由特首成立嘅廉政公署獨立檢討委員會上周發表報告，內容與「貪湯」前廉政專員湯顯明早前喺立法會帳目委員會會議上宣誓下所作嘅供詞有多處矛盾，帳委會已決定再次「公審」貪湯搵出真相。有人估計貪湯到時一定表現「賴皮」，最大機會係話唔記得同賴之前記錯資料，但正如電影《九品芝麻官》主角包龍星嘅對白話齋，「你幾個月前記錯，你家吓又記錯？」帳委會委員有定金句傍身，到時可以理正氣壯反駁貪湯，奉勸貪湯都係唔好心存僥倖，都係坦白招供，否則發假誓作假證供就要負上刑事責任。
