探射燈：整形醫生：只能破壞不能更改
改指模「變身」成為另一個人，是否可行？本港整形專科醫生直言，以現時科技，僅可以破壞原來指模，不能透過手術方式更改指模，而以激光重刻指模，更絕無可能。
不可能植皮更換
整形外科專科醫生朱文楷表示，指模乃皮膚上的紋路，是獨一無二的生物特徵，不易改造。而整形外科專科醫生彭志宏稱，從未聽過以美容激光機來改造指模：「激光就好似把刀，只係可以破壞指模，要喺指模加幾個圈變成第二個人嘅指模，根本做唔到。」對於切除現有指模再植入他人的指模，更屬不可能：「植皮要用自己嘅皮，要配合血型，唔可以用其他人嘅皮，就算真係植咗其他人嘅皮，都會排斥。」
彭志宏表示，手術在美容院進行，過程並無非細菌處理，儀器是否有消毒成疑，易受細菌感染：「以其他人嘅皮膚當成自己嘅指模，若果捐皮者有病，如愛滋病、肝炎，都可能會受感染。」
