曾經出任廉署執行處總調查主任的大律師查錫我，接受電台訪問談「絕代雙貪」，精警處令老朽拍爛手掌，查大律師認為曾蔭權搵個醉貓任廉政專員，好攞命！好難搞！佢質疑：「坊間有個講法，曾蔭權本身都係貪小便宜，有冇大貪我唔知，依家仲未完件案，起碼我哋睇到佢係貪小便宜，佢搵佢（湯）嚟就係幫佢吼住個背脊，如果真係咁嘅話，曾蔭權先生真係好唔要得！為咗個人利益去做呢啲嘢。」睇吓貪湯任內無視法紀規例，自把自為，儼然成個土皇帝，大家就估到貪曾搵佢「吼住個背脊」係要付出代價嘅！
有關貪曾的調查，遲遲未見「人下來」。想深一層，恐怕涉及太多臭屎密冚。香港官場，亦多潛規則耶？且聽老朽又講個故事，光緒年間，一文錢能買三、四枚雞蛋，而皇帝御膳房買來的雞蛋，竟要紋銀三四十両一個。據稱光緒皇帝「日必食雞子四枚」，換言之一頓飯僅吃蛋也費銀百多両。一次光緒當着文武百官問翁同龢：此種貴物，師傅亦嘗食否？其時，文武百官無不手心出汗，皆因翁老師若道出雞蛋實價，他們中飽私囊的事豈不就穿幫？
慶幸的是，翁老師回答只有過祭祀大典才偶一用之，否則不敢也。一眾採購官員才舒了口氣。你看翁同龢多精明啊，他是官場的老油條，寧願背負欺君之罪，也不把雞蛋的真實價格說出來。翁同龢清楚不過，擺在他面前的不是一個雞蛋，而是整個官場的潛規則。那潛規則就是一座不可逾越的大山，雞蛋怎能夠碰「大山」呢？
老朽想起呢則逸聞皆因廉政公署拍過《雞蛋篇》的宣傳片，義正詞嚴指出就算只係一個壞蛋，已經足以破壞香港堅守嘅廉潔核心價值，無論乜身份，只要係壞蛋都冇得留低！係真定係假，講得出要做得到，全港七百萬人正望到實！