根據東方報業集團取得嘅權威消息，港府將開始研究訂立《政黨法》，內容包括要求本地政黨公開財政來源，即係佢哋幕後「金主」嘅真正身份。其實唔係個個政黨都歡迎「金主」透明化，原因係佢哋嘅財政來源可能唔多見得光，好似前年就有一份機密文件曝光，披露壹傳媒主席黎智英喺○六至一○年係民主黨同公民黨嘅最大幕後金主，至於背後仲有冇其他國家嘅金主就不得而知。遲啲留意各政黨對《政黨法》嘅取態，佢哋嘅財政來源見唔見得光，就應該可以略知一二嘞。
