政情：八網難逃：劇集早預言龜「零」膏

近日有龜苓膏產品被發現原來無龜嘅成分，有心水清嘅網民即時覺得呢一幕熟口熟面，記起原來係十幾年前一套熱播電視劇集《男親女愛》嘅劇情。劇中飾演律師毛小慧嘅鄭裕玲喺法庭上為咗幫賣龜苓膏嘅客戶辯護，歪理連篇話龜苓膏偏方流傳咗百幾年，原本的確係用金錢龜鮮製，但後來唔忍心殺龜，仲見到隻龜口含草藥，就靈機一轉用草藥製膏，但仍用「龜苓膏」呢個名。咁都記得呢齣劇集，真係不得不讚呢位網民好記性喇。